Ерекше қорғалатын табиғи аумақтағы тәртіп ережелері
Жеке тұлғалардың парк аумағында туристік-рекреациялық мақсаттарда Қазақстан Республикасы Ауыл шаруашылығы министрінің м. а. 2010 жылғы 1 қыркүйектегі №555 бекітілген бұйрығына сәйкес жүзеге асырылады.
Жеке тұлғалардың ерекше қорғалатын табиғи аумақтарда болу ережесі
МҰТП территориясында ең негізгі болып табылатын ҚР салық заңдарыне сәйкес ғылыми, экологиялық-ағартушылық, саяхаттық, рекреациялық, шектеулі шаруашылық мақсаттарында парк территориясын пайдалануы үшін ақы төленгендігін растайтын құжат болу керек. Бұл құжат саяхатшы парк территориясынан шығып кеткенше сақталуы тиіс.
Жеке тұлғаларға МҰТП территориясында туристік-рекреациялық мақсатта болған жағдайда, қорғау ережелерін сақтай отырып, келесі жағдайларға РҰҚСАТ ЕТІЛЕДІ:
- Механикалық және автокөлікпен жалпы қолданылатын жолмен жүруге, экскурсиялық бағыттар бойынша арнайы жолдармен жүруіне, автотұрақ белгіленген жерлерге көлік қоюға;
- МҰТП әкімшілігінің келісімімен МҰТП арнайы туристік бағыттарына жол сілтеуші мамандар және гидтер қызмет көрсетуіне, экскурсиялар өткізуіне;
- Қорықтық күзет режимі бар учаскелерден басқа жерлерде, осыған арнайы бөлінген орындарда жабайы жемістер, жидектер, саңырауқұлақтар, дәрі-дәрмектік өсімдіктер, шөп шабу, отын дайындау және дәстүрлі табиғат пайдаланудың басқа түрлері;
- Табиғат қорғау мекемесінің әкімшілігімен келісім бойынша спорттық және экологиялық-ағарту іс-шараларын, туристік слеттер өткізу;
- МҰТП әкімшілігінің келісімі бойынша арнайы кәсіби және әуесқойлық фото-бейне түсірімдер жүргізу;
- Оқу практикаларын өткізу;
- Қорықтық күзет режимі бар учаскелерден басқа жерлерде оқу мақсаттары үшін гербарий жинау, топырақ үлгілерін іріктеу;
МҰТП территориясында тиым салынатындар:
- ЕҚТА-ны пайдалану үшін ақы төлегенін растайтын құжаттарсыз ЕҚТА-да болуға;
- Түнгі уақытта қызметтік көлікпен, жаяу, мото немесе автокөлікпен жүретін туристтер үшін ЕҚТА жүру және бекеттерден өтуге;
- ЕҚТА орман және дала жолдарымен, жалпы жұрт пайдаланатын жолдардан немесе арнайы экскурсиялық соқпақтар мен туристік маршруттардан тыс жерлерге келіп кіруге және олар арқылы жүріп өтуге;
- Белгіленген орындардан тыс жерлерге автокөлік және басқа да механикалық құралдар қоюға;
- Автокөлікті және басқа да механикалық құралдарды су айдындары жағалауына қоюға және жууға, ыдыс-аяқ жууға, кір жууға, үй жануарларын шомылдыруға;
- Су айдындарында, ЕҚТА-ны қорғау жөніндегі мемлекеттік инспекция пайдаланатын моторлы жүзу құралдарынан басқа, моторлы яхталардың, катерлердің, моторлы қайықтардың;
- Арнайы белгіленген және жабдықталған орындардан тыс жерлерде тағам әзірлеу үшін от жағуға, мангал, ошақ орнатуға;
- Торлармен және басқа тыйым салынған құралдармен және жабдықтармен балық аулауға;
- Жабайы жануарларды алып қоюға, оларға зиян келтіруге, үркітуге және қоректендіруге;
- Ұяларды, індерді, апандарды және құмырсқа илеулерін бүлдіруге;
- Табиғат, тарих, мәдениет және археология ескерткіштерін қиратуға және бүлдіруге;
- Рұқсат етілген жинау орындарынан тыс жерлерде жабайы өсетін ағаш, бұта, шөп өсімдіктерін және дәрі-дәрмектік шикізат, жемістер, саңырауқұлақтар және жидектер жинауға және қазып алуға;
- Көрнекі үгіт құралдарын (стенділер, паннолар, аншлагтар және басқалар, белгілерді), орман орналастыру, орман шаруашылығы және жерге орналастыру белгілерін қиратуға және бүлдіруге;
- Қоқыс тастауға, құрылыстарға, ағаштарға, тастарға және жартастарға жазулар жазуға және суреттер салуға;
- Өз бетімен мал жаюға, шөп жинауға, сүрек дайындауға және басқа да заңсыз орман пайдалануға;
- ҚР Үкіметі заңдарына бойынша кезектен тыс жануарлардың мазасын алмауға, шулайтын аппараттар қосуға. Жабайы жануарлардың мазасын алмау мақсатында жылдың барлық мезгілінде туристік-рекреациялық бағыттағы автожолдарға автокөлік қоюға болмайды. Туристік бағыттарды өту кезінде автомобиль сигналдарын беруге, шулауға тиым салынады.
- Ұлттық парк әкімшілігі жабайы аңдар, төлдеу және көшіп қону мезгілінде және ауа райы қолайсыздығына т.б. байланысты туристерге, туристік бағыттар бойынша саяхат жасауға шектеу қоя алады.
