«Саябақтар шеруі-2019» дүниежүзілік табиғатты қорғау экологиялық акциясы аясында  «Табиғатты аялайық, болашаққа сақтайық» атты ұранмен «Алтынемел» мемлекеттік ұлттық табиғи паркінде  2019 жылдың  14 мамыр күні «Таза жағалау» экологиялық шарасы өткізілді. 

Іс-шара барысында Қапшағай су қоймасының, Іле өзені жағалауының 80 - 126 км аралығы мен «Бесшатыр» сақ қорғандарының айналасын тазарту жұмыстары жүргізілді. Іс-шараға І.Жансүгіров атындағы Жетісу мемлекеттік университетінің экология  және география факультетінің 1-2-3 курс студенттері мен оқытушылары және Талдықорған агротехникалық колледжінің экология және табиғатты қорғау мамандығының 2-3 курс студеттері мен оқытушылары, «Алтынемел» МҰТП мемлекеттік инспекторлары және «Тұран ТВ» ЖШС қызметкерлері қатысты.

Қатысушылардың жалпы саны – 118 адам.